მთავარი,სიახლეები

მაისში ყველაზე მეტი თანხა საქართველოში იტალიიდან ჩამოირიცხა

16.06.2021 • 1097
მაისში ყველაზე მეტი თანხა საქართველოში იტალიიდან ჩამოირიცხა

იტალიიდან საქართველოში 2021 წლის მაისში 31,93 მილიონი აშშ დოლარი ჩამოირიცხა. ეს ყველაზე მეტია ამ თვეში სხვადასხვა ქვეყნიდან ჩამორიცხულ თანხას შორის. მარტსა და აპრილში გადმორიცხული თანხის ოდენობით ქვეყნებს შორის რუსეთი ლიდერობდა, თუმცა მაისში რუსეთიდან 184,1 ათასი აშშ დოლარით ნაკლები გადმოირიცხა, ვიდრე იტალიიდან.

მიმდინარე წლის იანვარ-თებერვალში გადმორიცხული თანხის ოდენობით ქვეყნებს შორის იტალია ლიდერობდა:

საქართველოში ჩამორიცხული თანხები იტალიიდან და რუსეთიდან 2021 წელს თვეების მიხედვით / წყარო: სები

საქართველოს ეროვნული ბანკის მონაცემებით, 2021 წლის მაისში ქვეყანაში შემოსული ფულადი გზავნილების ნაკადების მოცულობამ, ჯამში, 187.7 მლნ აშშ დოლარი [634.7 მლნ ლარი] შეადგინა. ეს 42.4%-ით [55.9 მლნ აშშ დოლარით] მეტია 2020 წლის მაისის ანალოგიურ მაჩვენებელზე.

სების მონაცემებით, უცხოეთიდან საქართველოში ფულადი გზავნილების 94.6% იმ 19 უმსხვილეს პარტნიორ ქვეყანაზე მოდის, საიდანაც ასეთი გზავნილების მოცულობამ მაისში 1 მლნ აშშ დოლარს გადააჭარბა. იმავე 19 ქვეყანაზე გასული წლის მაისში მთელი ფულადი გზავნილების 95.1% მოდიოდა:

საქართველოში ჩამორიცხული თანხები 2021 წლის მაისში / წყარო: სები

„2021 წლის მაისში საქართველოდან საზღვარგარეთ 22.9 მლნ აშშ დოლარი [77.3 მლნ ლარი] გადაიგზავნა. ეს 2020 წლის მაისის [13.6 მლნ აშშ დოლარი] ანალოგიურ მაჩვენებელთან შედარებით 68.5%-ით მეტია“, – აცხადებს ეროვნული ბანკი.

გადაბეჭდვის წესი


ასევე: