რუსეთიდან საქართველოში ფულადი გზავნილები 2023 წლის სექტემბერში 65.81 %-ით შემცირდა. ფულადი გზავნილების შესახებ სტატისტიკურ მონაცემს საქართველოს ეროვნული ბანკი აქვეყნებს.
სექტემბერში, რუსეთიდან საქართველოში 59.47 მლნ აშშ დოლარი გადმორიცხეს.
რუსეთიდან ფულადი გზავნილების შემცირება 2023 წლის მაისიდან დაიწყო: მაისში რუსეთიდან საქართველოში 157.44 მლნ აშშ დოლარი გადმორიცხეს, ეს 49%-იანი კლებაა საერთო მოცულობის წლიურ მაჩვენებელში. კლება დაფიქსირდა 2023 წლის ივნისშიც – 44%, აგვისტოში – 26%.
მანამდე მკვეთრი ზრდა ფიქსირდებოდა, მაგალითად, 2023 წლის იანვარში რუსეთიდან საქართველოში 267.62 მლნ აშშ დოლარი გადმორიცხეს, რაც წლიური მაჩვენებლით 1095%-იანი ზრდაა.
რაც შეეხება სხვა ქვეყნებს: 2023 წლის სექტემბრის სტატისტიკის მიხედვით, საქართველოში ევროკავშირის ქვეყნებიდან ყველაზე მეტი ფულადი გზავნილი იტალიიდან გამოაგზავნეს: 43.29 მლნ აშშ დოლარი, რაც წლიური ზრდის ტემპის მაჩვენებლის მიხედვით, 19%-იანი მატებაა.
მატებაა ფულად გზავნილებში გერმანიიდან – 21.14 მლნ აშშ დოლარი [ზრდა 32 %] და საბერძნეთიდანაც – 20.49 [ზრდა 11%].
აშშ-დან კი, 2023 წლის სექტემბერში 41.25 მლნ აშშ დოლარი გადმორიცხეს საქართველოში, ეს 43%-იანი ზრდაა წლიური ზრდის ტემპის მიხედვით.
ამ თემაზე:
ტურისტები 50%-ით შეგვიმცირდა, არც რუსები ქირაობენ ბინას – ბინის მეპატრონეები ბათუმში
