2025 წლის აპრილში საქართველოში ყველაზე მეტი თანხა ამერიკის შეერთებული შტატებიდან გადმოირიცხა. შემდეგ ადგილებზეა: იტალია, რუსეთი, გერმანია, საბერძნეთი და სხვა ქვეყნები.
ფულადი გზავნილების შესახებ სტატისტიკას საქართველოს ეროვნული ბანკი [სებ] აქვეყნებს.
სებ-ის ინფორმაციით, 2025 წლის აპრილში:
- აშშ-დან საქართველოში გადმოირიცხა 53 987 300 აშშ დოლარი, რაც 7,6 მილიონი დოლარით მეტია 2024 წლის აპრილში ჩამორიცხულ თანხასთან შედარებით;
- იტალიიდან საქართველოში გადმოირიცხა 50 211 300 აშშ დოლარი, რაც 2,1 მილიონი დოლარით მეტია ვიდრე 2024 წლის აპრილში;
- რუსეთიდან კი გადმოირიცხა 39 867 900 აშშ დოლარი, რაც 9,3 მილიონი აშშ დოლარით ნაკლებია გასული წლის იმავე თვეში ჩამორიცხულ თანხასთან შედარებით.
სხვა ქვეყნებიდან საქართველოში ჩამორიცხული თანხის ოდენობა ნახეთ ცხრილში [მილიონი აშშ დოლარი]:
ქვეყნები და ამ ქვეყნებიდან საქართველოში 2025 წლის აპრილის თვეში ჩამორიცხული თანხა მილიონ აშშ დოლარში / წყარო: სებ
სების ინფორმაციით 2025 წლის აპრილში უცხოეთიდან საქართველოში სულ გადმოირიცხა 295,5 მილიონი აშშ დოლარი [814 მილიონი ლარი], რაც 2024 წლის აპრილის თვესთან შედარებით 17 მილიონი აშშ დოლარით მეტია.
მიმდინარე წლის აპრილში საქართველოდან უცხოეთში ჯამში გადაირიცხა 31,9 მილიონი აშშ დოლარი [88 მილიონი ლარი], რაც 2024 წლის აპრილის მაჩვენებელთან შედარებით 1,5 მილიონი აშშ დოლარით მეტია.
ამავე თემაზე:
206 მილიონი დახარჯეს საყიდლებში საზღვარგარეთ საქართველოს მოქალაქეებმა I კვარტალში
