მთავრობის ინფორმაციით აჭარაში ტურისტული სეზონი ოფიციალურად 15 ივნისს გაიხსნება, თუმცა ჯერ უცნობია, იქნება თუ არა გახსნის ოფიციალური ცერემონიალი, გაიმართება თუ არა გასართობი ღონისძიებები თუ პანდემიის პირობების გათვალისწინებით მთავრობა მხოლოდ სეზონის გახსნილად გამოცხადებით შემოიფარგლება.
აჭარის ტურიზმის დეპარტამენტის ინფორმაციით, ზაფხულის ტურისტული სეზონის უსაფრთხოდ ჩასატარებლად ტურისტული სექტორის წარმომადგენლებთან შეხვედრები დაიწყო.
დეპარტამენტმა შრომის უსაფრთხოების ინსპექციის თანამშრომლებთან ერთად პირველი შეხვედრა ბათუმში გამართა, სადაც კვებისა და განთავსების ობიექტების წარმომადგენლებს კოვიდრეგულაციები და უსაფრთხოების სტანდარტები გააცნეს.
შეხვედრაზე აჭარაში სერვისის გაუმჯობესების მიზნით შემუშავებული ახალი ვებგვერდის serviceajara.ge-ს პრეზენტაციაც გაიმართა, რომელზეც მსურველებს დეპარტამენტის მიერ დაგეგმილ ყველა ტრენინგზე, სემინარსა თუ მასტერკლასზე დარეგისტრირება ონლაინ შეეძლებათ.
გვერდზე ერთადაა თავმოყრილი კოვიდრეგულაციები და უსაფრთხოების სტანდარტები, ასევე ვიდეოგაკვეთილები, სახელმძღვანელოები თუ სატრენინგო მასალები, რაც აჭარის ტურიზმის დეპარტამენტმა რეგიონში სერვისის გაუმჯობესების მიზნით წლების განმავლობაში მოამზადა.
აჭარის უცხოეთში რეკლამირებაზე 1.5 მილიონი დაიხარჯება – რომელი ქვეყნებიდან ველით ტურისტებს
