მთავარი,სიახლეები

პოლონეთის ქალაქ ვროცლავში სტადიონს საქართველოს დროშის ფერებით გაანათებენ

25.05.2021 • 1518
პოლონეთის ქალაქ ვროცლავში სტადიონს საქართველოს დროშის ფერებით გაანათებენ

პოლონეთის ქალაქ ვროცლავის ოფიციალური ვებგვერდის ცნობით, საქართველოს დამოუკიდებლობის დღესთან დაკავშირებით ვროცლავის სტადიონი ქართული დროშის ფერებით განათდება.

ვროცლავი პირველი ქალაქი იქნება, ვინც საქართველოს დამოუკიდებლობის დღეს მიულოცავს, რადგან ღონისძიება დღეს, 25 მაისს, ღამის 10 საათზე დაიწყება, ანუ საქართველოს დროით ღამის 12 საათზე.

სტადიონზე შესრულდება საქართველოს ჰიმნიც.

„ჩვენ ამას ვაკეთებთ იმის საჩვენებლად, რომ ვროცლავსა და პოლონეთში ყოველთვის ახსოვთ ქართველები,” – ამბობს ვოიცეხ ვრობელი, საქართველოს საპატიო კონსული ვროცლავში.

მისივე თქმით, ეს იქნება ყველაზე დიდი ქართული დროშა მსოფლიოში.

„ჩვენ ვუსურვებთ საქართველოს მრავალწლიან სტაბილურ განვითარებას, ევროპული მისწრაფებების შესრულებას, ასევე მეგობრობასა და თანამშრომლობას ყველა ჩვენგანთან,“ – ევა გობ-ნოვაკოვსკა, მერიის საგარეო ურთიერთობათა ოფისის დირექტორი ვროცლავში.

ვროცლავის საფეხბურთო სტადიონი აშენდა 2009-2011 წლებში სპეციალურად ევრო 2012-თვის. იგი 42 771 მაყურებელს იტევს.

 

გადაბეჭდვის წესი


ასევე: