Batumelebi | სავაჭრო ცენტრებსა და რესტორნებს შეუძლიათ უქმე დღეებში მუშაობა – მთავრობა სავაჭრო ცენტრებსა და რესტორნებს შეუძლიათ უქმე დღეებში მუშაობა – მთავრობა – Batumelebi
RU | GE  

სავაჭრო ცენტრებსა და რესტორნებს შეუძლიათ უქმე დღეებში მუშაობა – მთავრობა

აღდგომის დღესასწაულის, 2 მაისის შემდეგ საქართველოში 12 მაისის ჩათვლით უქმე დღეებია გამოცხადებული, თუმცა მუშაობა არ შეეზღუდებათ სავაჭრო მოლებსა და რესტორნებს.

ამის შესახებ დღეს, 26 აპრილს განაცხადა საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ.

მისი განმარტებით, ეს არის უქმე დღეები და სავაჭრო ცენტრებსა და რესტორნებს შეუძლიათ ჩვეულებრივად გააგრძელონ თავიანთი საქმიანობა.

„ერთადერთი რაც არის, არის გამონაკლისები დაშვებული, ვისაც ეს უქმე დღეები არ ეხება, მაგალითად სამედიცინო, ფარმაცევტული სექტორი, მშენებლობები და ინფრასტრუქტურული პროექტები რომ არ გაჩერდეს“, – განაცხადა გიორგი ღიბრაძემ.

ამავე თემაზე: 

ვინ ვერ ისარგებლებს უქმე დღეებით 4-11 მაისს – მთავრობამ საწარმოები და სფეროები განსაზღვრა

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com