Batumelebi | ვინც მერყეობს, უნდა დავარწმუნოთ, რომ კოვიდზე აცრა აუცილებელია – გამყრელიძე ვინც მერყეობს, უნდა დავარწმუნოთ, რომ კოვიდზე აცრა აუცილებელია – გამყრელიძე – Batumelebi
RU | GE  

ვინც მერყეობს, უნდა დავარწმუნოთ, რომ კოვიდზე აცრა აუცილებელია – გამყრელიძე

„ვინც მერყეობს, ისინი უნდა დავარწმუნოთ, რომ კოვიდზე აცრა აუცილებელია“ – განაცხადა დღეს, 25 მარტს, დაავადებათა კონტროლის ეროვნული ცენტრის დირექტორმა ამირან გამყრელიძემ ბრიფინგზე.

„ჩვენ დღესაც, 24 საათში, გარდაგვეცვალა 10 ადამიანი კოვიდით. ყოველ დღე გვაქვს 4, 5, 7, 10 გარდაცვალება. კოვიდსაწინააღმდეგო ვაქცინების ყველაზე დიდი ეფექტი პირველ რიგში არის, რომ ადამიანი არ მძიმდება, თუ ის ვაქცინირებულია ორჯერადად და ფატალური გამოსავალი არის მინიმუმამდე, თითქმის ასპროცენტიანი დაცვა აქვთ ამ ვაქცინებს ჰოსპიტალიზაციის და გარდაცვალების.

ყოველ დღე ეს ტრაგიკული შემთხვევები რომ არ გვქონდეს, უნდა აიცრას მოსახლეობის დიდი ნაწილი, თუ ამას მივაღწევთ, პანდემიას და ეპიდემიას დავუსვამთ წერტილს“ – განაცხადა ამირან გამყრელიძემ.

მან ასევე ისაუბრა ჯანმოს ახალი კვლევის მონაცემებზე.

„ახლა გზაში დამაწიეს ჯანმრთელობის მსოფლიო ორგანიზაციის ერთ-ერთ სოციოლოგიური გამოკითხვა.

გამოკითხულთა 20 პროცენტი კატეგორიულად წინააღმდეგია კოვიდზე აცრის ამ ეტაპზე, 29 პროცენტი კატეგორიულად ეთანხმება კოვიდზე აცრას, დანარჩენი მერყეობს. ვინც დღეს მერყეობს, ისინი უნდა დავარწმუნოთ, რომ ეს აუცილებელია“.

გამყრელიძემ განაცხადა, რომ დღეის მონაცემებით საქართველოში კოვიდზე აცრის პირველი დოზა გაიკეთა 4 152-მა მედიცინის მუშაკმა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com