უკრაინის შეიარაღებული ძალების გენერალური შტაბის ცნობით, 31 ივლისს, ღამით, უკრაინის თავდაცვის ძალებმა შეუტიეს იარაღისა და სამხედრო ტექნიკის საწყობს რუსეთის ქალაქ კურსკთან.
გენშტაბის ცნობით, სამხედრო ობიექტზე შეტევა განახორციელეს უკრაინის შეიარაღებული ძალების საზღვაო ძალებმა და ცალკეულმა ქვედანაყოფებმა. დარტყმის შედეგად დაფიქსირდა აფეთქება.
მიყენებული ზარალი ზუსტდება.
„გაგრძელება იქნება“ – წერს უკრაინის გენშტაბი ფეისბუქზე.
აფეთქებას კურსკთან ადასტურებს რუსული სამთავრობო მედიაც. „ტასი“ კურსკის ოლქის გუბერნატორის მოვალეობის შემსრულებელ ალექსეი სმირნოვზე დაყრდნობით წერს, რომ უკრაინის შეიარაღებული ძალების თავდასხმის შემდეგ ერთ-ერთ ობიექტზე ხანძარი გაჩნდა.
_________
ფოტო არქივიდან.
