Batumelebi | მოქალაქეებს შეეძლებათ არჩევანი გააკეთონ „ფაიზერსა“ და „ასტრაზენეკას“ ვაქცინებს შორის მოქალაქეებს შეეძლებათ არჩევანი გააკეთონ „ფაიზერსა“ და „ასტრაზენეკას“ ვაქცინებს შორის – Batumelebi
RU | GE  

მოქალაქეებს შეეძლებათ არჩევანი გააკეთონ „ფაიზერსა“ და „ასტრაზენეკას“ ვაქცინებს შორის

საქართველოს ჯანდაცვის სამინისტროს ცნობით, 25 მარტიდან ვაქცინაცია 65 წელს გადაცილებული  საქართველოს მოქალაქეებისთვის იქნება ხელმისაწვდომი.

სამინისტროს განცხადებით, საქართველოში “ფაიზერის” ვაქცინის შემოტანის შემდეგ მოქალაქეებს ვაქცინებს შორის არჩევანის გაკეთების შესაძლებლობა ექნებათ, შესაბამისად, მათ შეეძლებათ აირჩიონ „ფაიზერის“ ან „ასტრაზენეკას“ ვაქცინა.

დაავადებათა კონტროლისა და საზოგადოებრივი ჯანმრთელობის ეროვნული ცენტრის მონაცემებით, ამ დროისთვის „ასტრაზენეკას“ წარმოებული ვაქცინით სამედიცინო სფეროში დასაქმებული 3 843 ადამიანი აიცრა.

„ასტრაზენეკას“ ვაქცინა ბრიტანულ-შვედური კომპანიის ნაწარმია, „ფაიზერი“ კი – გერმანულ-ამერიკული კომპანიის.

საქართველოში 14 500 ადამიანისთვის საჭირო „ფაიზერის“ ვაქცინას მარტის ბოლოს ელიან.

სამინისტროს ცნობით, COVID19-ის საწინააღმდეგო ვაქცინაციის შესახებ ინფორმაციის მისაღებად ცხელი ხაზი – 1522 მოქმედებს, რომელიც ყოველ დღე, 09:00 საათიდან 23:00 საათამდე მუშაობს.

______________

ამავე თემაზე: 

როგორ მოქმედებს ახალი კორონავირუსის ვაქცინა

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com