ნეტგაზეთი • RU

საქართველოში კოვიდის ვაქცინების მარაგს ვარგისიანობის ვადა აპრილში გასდის

დღეს, 23 დეკემბერს, იმუნიზაციის ექსპერტთა საბჭოს ბრიფინგზე ჯანდაცვის მინისტრის მოადგილემ, თამარ გაბუნიამ ვაქცინების ვარგისიანობის ვადებთან დაკავშირებულ კითხვას უპასუხა და თქვა, რომ საქართველოში არსებული ვაქცინების მარაგი ვარგისია აპრილამდე.

„მარაგები, რომლებიც ჩვენ ქვეყანაში გვაქვს, ვარგისია აპრილის დასაწყისამდე, ანუ პირველ აპრილამდე. ჩვენ თავისუფლად შეგვიძლია მათი გამოყენება მომდევნო სამი თვე, ამდენი დროა, სულ მცირე, დარჩენილი იმისთვის, რომ მათი ათვისება სრულად მოხდეს.

ამავე დროს, მიმდინარეობს მოლაპარაკება იმაზე, რომ დამატებითი დოზების მობილიზება მოხდეს, რომლებიც ვარგისი იქნება უკვე მომავალი წლის გარკვეული პერიოდის განმავლობაში და ასევე, გვაქვს იმედი, რომ ახალი ვაქცინა, რომელიც შესაძლებელია ომიკრონის პასუხად შეიქმნას, გახდება ჩვენთვის ხელმისაწვდომი” – თქვა მან.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან