საკოორდინაციო საბჭოს სხდომის შემდეგ დღეს, 24 თებერვალს, პრემიერ-მინისტრმა ირაკლი ღარიბაშვილმა შეზღუდვების შემსუბუქების გეგმა წარმოადგინა. მისი თქმით, ეკონომიკური საქმიანობის აღდგენის ეტაპობრივი გეგმის მიხედვით, სასტუმროები სამთო კურორტებზე გაიხსნება ხვალიდან, საბაგიროები სამთო კურორტებზე – 8 მარტიდან, საქალაქთაშორისო ტრანსპორტი ამოქმედდება ხვალიდან, ანუ 25 თებერვლიდან.
რესტორნები შიდა სივრცეებში ფუნქციონირებას განაახლებენ – ბათუმში პირველი მარტიდან, ხოლო დანარჩენ საქართველოში – 8 მარტიდან, შაბათ-კვირის გარდა.
ამასთან, ძალაში დარჩა გადაადგილების შეზღუდვა საღამოს 21:00 საათიდან დილის 05:00 საათამდე.
15 მარტიდან შეზღუდვები მოიხსნა უნივერსიტეტებზეც და მათ შეეძლებათ ლექციები აუდიტორიებში განაახლონ. კონფერენცია და ტრენინგები პროტოკოლის დაცვით განახლდება პირველი მარტიდან. მუშაობის უფლება ეძლევათ კერძო სა საჯარო საბავშვო ბაღებსაც.
