მთავარი,სიახლეები

ბათუმის ბულვარში „ამბასადორის“ მშენებლობის ღობის ნაწილი მოარღვიეს

21.02.2021 • 1229
ბათუმის ბულვარში „ამბასადორის“ მშენებლობის ღობის ნაწილი მოარღვიეს

დღეს, 21 თებერვალს, მოძრაობა „მე მიყვარს ბათუმის“ წევრებმა ბათუმის ბულვარში სასტუმრო „ამბასადორის“ მშენებლობის ღობის ნაწილი მოარღვიეს.

„ამ ფორმით ვაპროტესტებთ ბათუმის ბულვარში 16 სართულის მშენებლობას“ – გვითხრა ალექსანდრე მილორავამ, აქციის მონაწილემ. მისივე თქმით, ადგილზე მობილიზებულია პოლიცია.

„ამბასადორი“ ბულვარში 16-სართულიან სასტუმროს და ბალნეოლოგიურ ცენტრს აშენებს. ამ მასშტაბის მშენებლობაზე თანხმობა უკვე განაცხადა კულტურული მემკვიდრეობის დაცვის სააგენტოს ხელმძღვანელმა, ზაურ ახვლედიანმა. აქამდე კომპანიას მხოლოდ 4-სართულიან მშენებლობაზე ჰქონდა ნებართვა.

ბათუმის ბულვარში 16-სართულიანი მშენებლობის წინააღმდეგ არაერთი აქცია გაიმართა, მშენებლობის წინააღმდეგ შეგროვდა 5000-ზე მეტი ხელმოწერა.

_______________

განახლებული ინფორმაცია: „ბათუმელები“ იმყოფებოდა ბულვარში მშენებლობასთან, სადაც მორღვეულია მშენებლობის ღობის ნაწილი, ადგილზეა პოლიცია. სამშენებლო სამუშაოები გრძელდება. ნახეთ პირდაპირი ჩართვა ადგილიდან.

ამავე თემაზე:

ბულვარში სასტუმროს აშენება დაუშვებელია – კულტურის სამინისტროს კვლევითი ცენტრი

გადაბეჭდვის წესი


ასევე: