Batumelebi | ხულოში, სოფელ კალოთაში, სკოლა დაიწვა ხულოში, სოფელ კალოთაში, სკოლა დაიწვა – Batumelebi
RU | GE  

ხულოში, სოფელ კალოთაში, სკოლა დაიწვა

ხულოს მუნიციპალიტეტში, სოფელ კალოთაში, სკოლა დაიწვა.

ერთსართულიან, ხის შენობას ცეცხლი დღეს, 15 თებერვალს, საღამოს გაუჩნდა, სკოლის შენობა უკვე დაიწვა, თუმცა, როგორც სოფელში გვითხრეს, სახანძრო ჯერ ადგილზე არ მისულა.

„დღეს საღამოს სკოლის ჭერში შენიშნეს ცეცხლი, სადაც კაბელი გადიოდა. სამი საცხოვრებელი სახლია ახლოს, ერთს თითქმის გაეკიდა, მოსახლეობამ გადაარჩინა,“ – გვითხრა მერის წარმომადგენელმა ხიხაძირის ადმინისტრაციულ ერთეულში, გურამ ხალვაშმა.

მისი ინფორმაციით, ამ დროისთვის მეზობლად მდებარე სახლებზე ცეცხლის გადასვლის საშიშროება არ არსებობს.

ხანძრის შედეგად არავინ დაშავებულა.

კალოთას სკოლაში 14 მოსწავლე სწავლობდა.

________________

ფოტო „ბათუმელების“ არქივიდან.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com