”დინამო” 85 000 ლარად ორკვირიან შეკრების ხარჯებს შეისყიდის


ბათუმის საფეხბურთო კლუბმა „დინამომ“ 2016 წლის 5 იანვარს, თურქეთში საშეკრებო ხარჯების შესასყიდად, გამარტივებული ელექტრონული ტენდერი გამოაცხადა, რომელშიც შედის, სასტუმროში დაბინავება, კვება და სათამაშო მოედნით უზრუნველყოფა.
ტენდერის სავარაუდო ღირებულებაა 85 000 ლარი.
შემსყიდველმა, ამ თანხით უნდა უზრუნველყოს 5 საწვრთნელო ამხანაგური მატჩი; 35+1 კაციანი (კლუბის მენეჯერი უფასოდ) შემადგენლობის ანტალიაში (ბელეკში) 5 ვარსკვლავიან სასტუმროში დაბინავება (ზღვიდან არაუმეტეს 300 მეტრის მდებარეობით), სადაც განთავსებული უნდა იყოს სპორტული კოპლექსი და სასტუმროს ტერიტორიაზე უმაღლესი ხარისხის სავარჯიშო მოედანი.
სატენდერო დოკუმენტაციის თანახმად ხუთ ვარსკვლავიან სასტუმროში:
  • გუნდი იცხოვრებს ერთ სართულზე, 17 სტანდარტულ ორადგილიან და ერთ ერთადგილიანი ნომერში.
  • სასტუმრო ულიმიტოდ უზრუნველყოფს სასმელებს – (ყავა, ჩაი, წვენი, კოლა, წყალი ლიმიტის გარეშე სასტუმროს ბარში) გარდა სპირტიანი სასმელებისა;
  • 90 წუთიანი ვარჯიში 2 ჯერ (ვარჯიშის დრო 11:10 – 12:40/ 16:40-18:10)
  • მგზავრობა გუნდისთვის (სასტუმრო-აეროპორტი-სასტუმრო)
  • საუნა და თურქული აბანო
  • დაფარული საცურაო აუზი, ფიტნეს ცენტრი
  • მასაჟის კაბინეტი და ინვენტარის შესანახი ოთახი
  • უნიფორმის გარეცხვა დღეში ორჯერ
  • საპრესკონფერენციო ოთახი
  • ულიმიტო წყალი ვარჯიშის და თამაშის დროს
  • ნომერში მინერალური წყალი (დღეში ერთხელ)
  • გამოყოფილი ადგილი რესტორანში
  • სამჯერადი კომპლექსური კვება
მატჩები გაიმართება 31 იანვარს და 3, 6, 8 და 9 თებერვალს. მეტოქეები იქნებიან ევროპული ქვეყნების უმაღლესი ლიგის კლუბები.მატჩები ადგილობრივი დროით 17:00 საათზე დაიწყება.
შემსყიდველმა მომსახურება ხელშეკრულების გაფორმების შემდეგ სასტუმროში დაბინავებიდან 14 დღის განმავლობაში უნდა შეასრულოს.
სატენდერო წინადადების მიღება სახელმწიფო შესყიდვების სააგენტოს ვებ-გვერდზე 8 იანვრს დაიწყება და 12 იანვარს დამთავრდება.
ბათუმის დინამოს გუნდი საშეკრებო მატჩებზე ბელეკში გასულ წელსაც იმყოფებოდა.
ნეტგაზეთის მასალების სხვა გამოცემებში გადაბეჭდვის წესი
ავტორი