Batumelebi | იქმნება კულტურის, სპორტისა და ახალგაზრდობის სამინისტრო – გახარია იქმნება კულტურის, სპორტისა და ახალგაზრდობის სამინისტრო – გახარია – Batumelebi
RU | GE  

იქმნება კულტურის, სპორტისა და ახალგაზრდობის სამინისტრო – გახარია

საქართველოს პრემიერ-მინისტრმა, გიორგი გახარიამ დღეს, 28 იანვარს, მთავრობის სხდომის დაწყების წინ მთავრობაში მოსალოდნელი ცვლილება დააანონსა.

გახარიას განცხადებით, განათლების, მეცნიერების, კულტურისა და სპორტის სამინისტროს გამოეყოფა კულტურა და სპორტი და შეიქმნება ახალი, კულტურის, სპორტისა და ახალგაზრდობის სამინისტრო.

„უკვე ყველა სამუშაო დასრულებულია და მომზადებულია დადგენილება იმასთან დაკავშირებით, რომ განათლების სამინისტროდან გამოიყოს კულტურის, სპორტის და ამას დაემატება ახალგაზრდობის სამინისტრო.

ეს არის მნიშვნელოვანი ნაბიჯი როგორც კულტურის, ისე სპორტის სფეროსთვის. ახალგაზრდობის სააგენტო, რომელიც აქამდე ფუნქციონირებდა მთავრობის ადმინისტრაციის ზედამხედველობით, ამ დადგენილებით გახდება კულტურის, სპორტისა და ახალგაზრდობის სამინისტროს ნაწილი“ – განაცხადა პრემიერ-მინისტრმა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com