მთავარი,სიახლეები

დენის გაზრდილ ტარიფს 2021 წელს სახელმწიფო დაასუბსიდირებს – გახარია

29.12.2020 • 831
დენის გაზრდილ ტარიფს 2021 წელს სახელმწიფო დაასუბსიდირებს – გახარია

ელექტროენერგიის და წყლის გადასახადი გაიზრდება, – განაცხადა დღეს, 29 დეკემბერს პრემიერ-მინისტრმა გიორგი გახარიამ მთავრობის სხდომის შემდეგ. თუმცა, მისი განცხადებით, 2021 წლის განმავლობაში საქართველოს მოსახლეობა ელექტროენერგიაზე „ტარიფის გაძვირებას არ იგრძნობენ“.

„ეს ნიშნავს იმას, რომ მთავრობა სხვაობას დღევანდელ ტარიფსა და გაზრდილ ტარიფს შორის, რომელსაც დღეს დაადგენს კომისია, სრულად დაასუბსიდირებს 300 კილოვატამდე“ – განაცხადა პრემიერ-მინისტრმა.

გახარიას თქმით, ტარიფების ზრდას ობიექტური დასაბუთება და ახსნა აქვს.

„2017 წელს მოხდა მეთოდოლოგიის ცვლილება, რის შედეგადაც 3 წლის განმავლობაში ტარიფი არ გადახედილა. რა თქმა უნდა,  მეთოდოლოგიის ეს ცვლილება შეიძლება სხვადასხვანაირად იყოს შეფასებული, თუმცა დღეის მდგომარეობით ეს არის ფაქტი.

პირველი სუბსიდირება შეეხო საქართველოს 1.2 მლნ აბონენტს, რაც ფაქტობრივად ნიშნავს 1.2 მლნ ოჯახს. ეს ყველაფერი კეთდება იმისთვის, რომ ეკონომიკური კრიზისის პირობებში ჩვენ ჩვენი მოქალაქეების სოციალური მდგრადობის შენარჩუნება უზრუნველვყოთ ისე, როგორც შეგვიძლია, იმ რესურსებით, რომელიც სახელმწიფოს გააჩნია“-ამბობს გახარია.

გადაბეჭდვის წესი


ასევე: