Batumelebi | ღამით გადაადგილება მხოლოდ 31 დეკემბერს და 6 იანვარსაა დაშვებული ღამით გადაადგილება მხოლოდ 31 დეკემბერს და 6 იანვარსაა დაშვებული – Batumelebi
RU | GE  

ღამით გადაადგილება მხოლოდ 31 დეკემბერს და 6 იანვარსაა დაშვებული

საქართველოს მთავრობის გადაწყვეტილებით, 24 დეკემბრიდან საქართველოში ბაზრობები არ გაიხსნება. 

24 დეკემბრიდან 2 იანვრის ჩათვლით საქართველოს დიდ ქალაქებში: თბილისში, ბათუმში, რუსთავში, ქუთაისში, გორში, ზუგდიდში, ფოთსა და თელავში კვლავ არ იმოძრავებს მუნიციპალური ტრანსპორტი.

24 დეკემბრიდან 2 იანვრამდე ძალაში რჩება საქალაქთაშორისო ტრანსპორტის შეზღუდვა მთელი ქვეყნის მასშტაბით.

მუშაობას ისევ გააგრძელებენ აგრარული ბაზრები, წესების სრული დაცვის პირობით

24 დეკემბრიდან 2 იანვრის ჩათვლით დიდ ქალაქებში მუშაობას განაახლებენ სავაჭრო ობიექტები დამატებითი რეგულაციების პირობებში. 

მაღაზიების სამუშაო საათები განისაზღვრება დილის 07:00დან 19:00 საათამდე. 

მომხმარებლების სავაჭრო სივრცეში დაშვება უნდა მოხდეს ნაკადების მკაცრი მართვით, რისთვისაც მაღაზიის ფართობის ყოველ 20მ2 დაიშვება არაუმეტეს ერთი მომხმარებელი; 

მაღაზიების როგორც შიდა, ასევე გარე სივრცეში უნდა მოხდეს მომხმარებელთა რიგების მართვა;

ფასდაკლებების აქციები უნდა  გამოცხადდეს ძირითადად დილის საათებში ან/და ონლაინგაყიდვების შემთხვევაში;

ტანსაცმლის მაღაზიებში არ იმუშავებენ გასახდელები.

ამასთან მომხმარებელთა ინტერესების დაცვის მიზნით, მაღაზიებმა უნდა დაუშვან პროდუქციის დაბრუნება ან გადაცვლა ერთი თვის განმავლობაში და ეს უნდა მომხდეს მხოლოდ 1-ლი თებერვლის შემდეგ. 

სავაჭრო ცენტრებში იკრძალება კვების ობიექტების ფუნქციონირება, მათ შორის, გადატანის სერვისით. 

ყველა სივრცეში და მაღაზიის გარეთ რიგებში დაცული უნდა იყოს სოციალური დისტანცია და პირბადეების სწორად ტარების მოთხოვნები. აღნიშნულზე სრული პასუხისმგებლობა ეკისრება სავაჭრო ობიექტების ადმინისტრაციას

სასტუმროების რესტორნები იმუშავებენ მხოლოდ 21:00მდე, ხოლო 21:00-დან დაშვებული იქნება მხოლოდ ნომერში მომსახურების სერვისი.

რესტორნები და კვების ობიექტები ქვეყნის მასშტაბით აგრძელებენ მუშაობას მხოლოდ გატანის სერვისზე.

ძალაში რჩება გადაადგილების შეზღუდვა მთელი ქვეყნის მასშტაბით 21:00 საათიდან 05:00 საათამდე, როგორც ქვეითად, ისე ავტომობილით;

გამონაკლისი იქნება ახალი წლის ღამე – 31 დეკემბრის ღამე და ასევე შობის ღამე – 6 იანვრის ღამე.  

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com