Batumelebi | უკავშირდება თუ არა პროტესტის გამწვავება ვარშალომიძის შეურაცხყოფას – რას ამბობს რიჟვაძე უკავშირდება თუ არა პროტესტის გამწვავება ვარშალომიძის შეურაცხყოფას – რას ამბობს რიჟვაძე – Batumelebi
RU | GE  

უკავშირდება თუ არა პროტესტის გამწვავება ვარშალომიძის შეურაცხყოფას – რას ამბობს რიჟვაძე

აჭარის მთავრობის თავმჯდომარემ თორნიკე რიჟვაძემ, დღეს, 3 დეკემბერს, მთავრობაში ბრიფინგი გამართა, სადაც განცხადების შემდეგ  მან ჟურნალისტების შეკითხვებსაც უპასუხა.

„ბათუმელების“ კითხვას – როგორ ფიქრობთ, რატომ გადმოინაცვლა თქვენი აზრით, აქციების ეპიცენტრმა თბილისიდან ბათუმში და ხომ არ უკავშირდება ეს თქვენი მხრიდან ლევან ვარშალომიძის მისამართით გამოყენებულ ფრაზას –  „ჩამქრალი ვარსკვლავბიჭუნა“, რომელიც შესაძლოა აღქმულიყო პიროვნულ შეურაცხყოფად,  თორნიკე რიჟვაძემ უპასუხა, რომ ის არ აპირებს წაგებულებზე საუბარში დრო დახარჯოს.

„არ ვაპირებ მუდმივად წაგებულებთან მიმართებაში ამდენი დრო დავხარჯო. რეალურად, ყველასთვის არის ცხადი, რომ ეს საკითხი არის ჩახურული, პროცესი გრძელდება და ყველაფერი იქნება ძალიან კარგად, მშვიდად“, – განაცხადა რიჟვაძემ.

კიდევ ერთ კითხვას – ხომ არ უქმნის დემოკრატიას პრობლემას ის ფაქტი, რომ უმაღლესი საბჭო მხოლოდ ერთი პარტიით, „ქართული ოცნებით“ იქნება წარმოდგენილი, რიჟვაძემ ასე უპასუხა:

„მე არ ვიცი დემოკრატიის განვითარებაში ნაცმოძრაობა რა როლს ითამაშებს, თუმცა შემიძლია გითხრათ, რომ ჩვენ მათ მოვუწოდებთ, რომ გამოიყენონ ის კონკრეტული მანდატები, რომელიც მიანიჭა მათ ხალხმა.

ცხოვრებაში, წაგებასაც და მოგებასაც უფრო ღირსეულად უნდა შეხვდე… მაგრამ ჩვენთვის, უმაღლესი საბჭოს კონტექსტში არ არის პრინციპული, ნაცმოძრაობა რას გადაწყვეტს“, – განაცხადა რიჟვაძემ.

ამავე თემაზე: 

რიჟვაძე ისევ მთავრობის თავმჯდომარე იქნება, დეპუტატობაზე უარი თქვეს ზოიძემ და ფუტკარაძემაც

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com