Batumelebi | ვინ შედის აჭარის უმაღლეს საბჭოში „ოცნებიდან“ – უსკო ვინ შედის აჭარის უმაღლეს საბჭოში „ოცნებიდან“ – უსკო – Batumelebi
RU | GE  

ვინ შედის აჭარის უმაღლეს საბჭოში „ოცნებიდან“ – უსკო

21 წევრიან აჭარის უმაღლეს საბჭოში „ქართული ოცნების“ პროპორციული სიით 11 წევრი შევა, ამას დაემატება ერთი ქობულეთის მაჟორიტარი „ოცნებიდან“ ცოტნე ანანიძე, რომელმაც ბარიერი გადალახა. ორ მაჟორიტარულ ოლქში კი მეორე ტური გაიმართება.

უსკოს ინფორმაციით გაერთიანებულმა ოპოზიციამ მიიღო 61 242 ხმა, რაც შეადგენს ამომრჩეველთა საერთო რაოდებობის 33,96 პროცენტს, ხოლო „ქართულმა ოცნებამ“ 82 700 ხმა მიიღო, რაც ამომრჩეველთა საერთო რაოდენობის  45,86 პროცენტია.

„ოცნების“ პროპორციული სიის მიხედვით უმაღლეს საბჭოში შედიან მთავრობის თავმჯდომარე თორნიკე რიჟვაძე, რომელიც სიაში პირველ ნომრად ჩაწერეს, ჩვენი ინფორმაციით, ის მანდატზე უარს იტყვის და აჭარის მთავრობის თავმჯდომარის პოსტს შეინარჩუნებს.

შემდეგ მოდის წინა მოწვევის უმაღლესი საბჭოს თავმჯდომარე დავით გაბაიძე, სავარაუდოდ მას ისევ იგივე პოსტზე წარდგენენ.

სიის მესამე ნომერია მოქმედი ფინანსთა და ეკონომიკის მინისტრი ჯაბა ფუტკარაზე, სავარაუდოდ ისიც იტყვის უარს მანდატზე და შეინარჩუნებს მინისტრის პოსტს. მის მოადგილეს თინათინ ზოიძეს კი ჩვენი ინფომაციით ახალ უმაღლეს საბჭოში საფინანსო-საბიუჯეტო კომისიის თავმჯდომარედ მოიაზრებენ.

უმაღლეს საბჭოში შედიან ასევე:  გიორგი მანველიძე – წინა მოწვევის უმაღლესი საბჭოს წევრი, ნადიმ ვარშანიძე  – ხელვაჩაურის საკრებულოს ყოფილი თავმჯდომარე,  ფატი ხელვაში – წინა მოწვევის პარლამენტის წევრი და ასევე წინა მოწვევის უმაღლესი საბჭოს წევრები დავით თედორაძე, ლადო მგალობლიშვილი და დავით ბაციკაძე.

იმ შემხვევაში თუ აჭარის მთავრობის თავჯდომარე თორნიკე რიჟვაზე და ფინანსთა და ეკონომიკის მინიტრი ჯაბა ფუტკარაძე უარს იტყვიან მანდატებზე, უმაღლეს საბჭოში შესვლას შეძლებენ პროპორციული სიით #12 მარინე გვინიძე – „ბათუმის წყლის“ დირექტორი და #13 ილია ვერძაძე, რომელიც ასევე წინა მოწვევის უმაღლესი საბჭოს წევრია.

ნეტგაზეთის მასალების სხვა გამოცემებში გადაბეჭდვის წესი
ავტორი