Batumelebi | ლევან კობიაშვილი ბათუმში კლუბების ხელმძღვანელებს შეხვდება ლევან კობიაშვილი ბათუმში კლუბების ხელმძღვანელებს შეხვდება – Batumelebi
RU | GE  

ლევან კობიაშვილი ბათუმში კლუბების ხელმძღვანელებს შეხვდება

18 დეკემბერს ფეხბურთის ფედერაციის პრეზიდენტი ლევან კობიაშვილი, ბათუმში საფეხბურთო კლუბების ხელმძღვანელებს შეხვდება.

რა საკითხებს განიხილავენ ისინი შეხვედრაზე, ფედერაციის პრესსამსახურში „ბათუმელებს“ უთხრეს, რომ ახლა ზუსტდება და დეტალები ხვალ [15 დეკემერს] გაირკვევა.

„კლუბების ყოველწლიური საჯამო შეხვედრაა, თბილისში იმართება ხოლმე და წელს ბათუმში გადაწყდა შეხვედრა. ეს ფეხბურთის სამყაროს შიდა საუბრებია, სადაც ყველა საკითხს განვიხილავთ რა პრობლემაც გვაქვს“ – უთხრა „ბათუმელებს“ ბათუმის „დინამოს“ პრეზიდენტმა ოთარ ფედიჩკინმა.

ქობულეთის „შუქურას“ პრეზიდენტის რევაზ ჩელებაძის თქმით, ეს პირველი შემთხვევაა, როდესაც ეროვნული ფედერაციის პრეზიდენტი კლუბების ხელმძღვანელბს ბათუმში ხვდება.

„[შეხვედრა] რომ არის კი ვიცი, [არ ვიცი რა საკითხებზე ვისაუბრებთ]. ჩვენ გვინდა, რომ ყველა გუნდს ჰქონდეს ნორმალური სტაბილური ხელფასი და ფული. არ გვინდა ხვეწნა მუდარაში გატარებული ცხოვრება“, – განაცხადა რევაზ ჩელებაძემ.

ფედერაციის პრეზიდენტსა და კლუბების ხელმძღვანელებს შორის შეხვედრა სასტუმრო „კოლიზეუმში“ გაიმართება.

 

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი