საქართველოს პარლამენტის არჩევნების მეორე ტური 21 ნოემბერს გაიმართება. შესაბამისი გადაწყვეტილება ცენტრალურმა საარჩევნო კომისიამ 13 ნოემბრის სხდომაზე მიიღო.
ცესკოს გადაწყვეტილებით, თვითიზოლაციაში მყოფმა პირებმა, რომლებიც კენჭისყრის დღისთვის იქნებიან იმ მაჟორიტარული ოლქის ტერიტორიაზე, სადაც რეგისტრირებულნი არიან, გადასატანი ყუთის მოთხოვნით ცესკოს 15, 16 და 17 ნოემბერს უნდა მიმართონ.
„თვითიზოლაციაში მყოფმა ამომრჩევლებმა, რომლებიც შესაბამისი უწყების მონაცემთა ბაზაში ფიქსირდებიან და ტერიტორიულად იმყოფებიან იმ მაჟორიტარული საარჩევნო ოლქის საზღვრებში, სადაც არიან რეგისტრირებული, პარლამენტის არჩევნების მეორე ტურში მონაწილეობის მიზნით, გადასატანი საარჩევნო ყუთის მოთხოვნით, 15 და 16 ნოემბერს 10:00-დან 20:00 საათამდე, ხოლო 17 ნოემბერს 10:00-დან 18:00 საათამდე უნდა მიმართონ ცესკოს სატელეფონო/საინფორმაციო ცენტრს: 2 51-00-51 (შიდა 0).“ – აღნიშნულია ცესკოს მიერ გავრცელებულ ინფორმაციაში.
როგორც 31 ოქტომბერს ჩატარებულ არჩევნებში მონაწილეობა ვერ მიიღო ამომრჩეველთა ნაწილმა, ისე მოხდება მეორე ტურშიც. ანუ მაჟორიტარულ არჩევნებში ამჯერად მონაწილეობას ვერ მიიღებენ ის პირები, რომლებიც თვითიზოლაციაში აღმოჩნდებიან 18-19 და 20 ნოემბერს.
ცესკოს ინფორმაციით, საქართველოს პარლამენტის 31 ოქტომბრის მაჟორიტარული საარჩევნო სისტემით არჩევნების მეორე ტური 17 მაჟორიტარულ საარჩევნო ოლქში გაიმართება; ასევე, ქუთაისში გაიმართება მერის რიგგარეშე არჩევნების მეორე ტური.
საქართველოს პარლამენტის არჩევნების მეორე ტური აჭარაში ორ მაჟორიტარულ ოლქში გაიმართება:
28-ე მაჟორიტარული ოლქი [ბათუმი]
- №5 – ლევან ვარშალომიძე
- №41 – რესან კონცელიძე
30-ე მაჟორიტარული ოლქი[ხელვაჩაური, ქედა, შუახევი და ხულო]
- №5 – მიშა ბოლქვაძე
- №41 – ანზორ ბოლქვაძე
უმღლესი საარჩევნო კომისიის ინფორმაციით კი, აჭარის უმაღლესი საბჭოს არჩევნებში ბათუმის მაჟორიტარულ ოქლში [#28] წარდგენილი მაჟორიტარი კანდიდატებიდან მეორე ტურში გადავიდნენ ტიტე აროშიძე „ქართული ოცნებიდან“ და გიორგი კირთაძე „ერთიანი ნაციონალური მოძრაობიდან.“
უმაღლესი საბჭოს არჩევნების მეორე ტური ჩატარდება ასევე #30-ე [ხელვაჩაური, შუახევი, ქედა,ხულო] მაჟორიტარულ ოლქში სადაც „ერთიანი ნაციონალური მოძრაობიდან“ გია აბულაძე [წინა მოწვევის უმაღლესი საბჭოს წევრი ] და „ქართული ოცნებიდან“ ფრიდონ ფუტკარაზე – შუახევის ყოფილი მერი დაუპირისპირდებიან ერთმანეთს.
ოპოზიციური პარტიები ამ დრომდე არ ცნობენ 31 ოქტომბრის არჩევნების შედეგებს და არც მეორე ტურში აპირებენ მონაწილეობის მიღებას.
საქართველოს პარლამენტის არჩევნების მეორე ტურში გასული კანდიდატების სია:
|
მაჟორიტარული საარჩევნო ოლქი
|
მეორე ტურში გასული კანდიდატები |
| №1 – მთაწმინდა, კრწანისი | №2 – შალვა შავგულიძე
№41 – ბექა ოდიშარია
|
| №2 – ვაკე
|
№2 – ელენე ხოშტარია
№41 – ნოდარ ტურძელაძე
|
| №3 – საბურთალო
|
№24 – ალექსანდრე ელისაშვილი
№41 – დავით სერგეენკო
|
| №4 – ისანი
|
№5 – ხატია დეკანოიძე
№41 – კახა კახიშვილი
|
| №5 – სამგორი
|
№5 – ლევან ხაბეიშვილი
№41 – სოზარ სუბარი
|
| №6 – დიდუბე, ჩუღურეთი
|
№36 – ზურაბ გირჩი ჯაფარიძე
№41 – გიორგი ვოლსკი
|
| №7 – ნაძალადევი
|
№10 – შალვა ნათელაშვილი
№41 – მიხეილ ყაველაშვილი
|
| №8 – გლდანი
|
№5 – ნიკანორი მელია
№41 – ლევან კობიაშვილი
|
| №10 – თელავი, ახმეტა, ყვარელი და ლაგოდეხი
|
№5 – გიორგი ბოტკოველი
№41 – ირაკლი ქადაგიშვილი
|
| №11 – მცხეთა, დუშეთი, თიანეთი და ყაზბეგი
|
№5 – ცეზარი ჩოჩელი
№41 – შალვა კერესელიძე
|
| №12 – რუსთავი, გარდაბანი
|
№5 – დავით კირკიტაძე
№41 – ნინო ლაცაბიძე
|
| №16 – ხაშური, ქარელი
|
№5 – ნატო ჩხეიძე
№41 – ზაალ დუგლაძე
|
| №21 – ზესტაფონი, ტყიბული, თერჯოლა, ბაღდათი | №5 – კახა გეწაძე
№41 – ბეჟან წაქაძე
|
| №23 – ქუთაისი
|
№5 – გრიგოლ ვაშაძე
№41 – ზაზა ლომინაძე
|
| №27 – ზუგდიდი | №5 – მალხაზ ჯალაღონია
№41 – ირაკლი ჩიქოვანი
|
| №28 – ბათუმი
|
№5 – ლევან ვარშალომიძე
№41 – რესან კონცელიძე
|
| №30 – ხელვაჩაური, ქედა, შუახევი და ხულო | №5 – მიშა ბოლქვაძე
№41 – ანზორ ბოლქვაძე
|
მერის რიგგარეშე არჩევნების მეორე ტური
|
საარჩევნო ოლქი
|
მეორე ტურში გასული კანდიდატები |
| №59 – ქუთაისი | №5 – გრიგოლი შუშანია
№41 – იოსები ხახალეიშვილი
|
