ქობულეთის მერია ზღვისპირას პანორამული გადასახედის, ხოლო ქალაქის შესასვლელში ტურისტული მანიშნებელი კონსტრუქციის ან ნაგებობის მოწყობას გეგმავს.
შესაბამისი პროექტებისა და ხარჯთაღრიცხვის შედგენაზე ქობულეთის მუნიციპალიტეტმა კონკურსები უკვე გამოაცხადა, 10 და 15 ათასი ლარით.
პანორამული გადასახედი ბაქანი ქობულეთის სანაპირო ზოლში, ზღვისპირა პარკის მიმდებარედ ჯებირზე უნდა მოეწყოს, ხოლო ქობულეთის მუნიციპალიტეტის ტურისტული მანიშნებელი კონსტრუქციის ან/და ნაგებობის მოწყობა მდინარე ჩოლოქის [ზ.ჟვანიას სახელობის] ხიდის მიმდებარედ იგეგმება.
ორივე კონკურსში წინადადებების მიღება 2020 წლის 11 ნოემბერს დაიწყება და 16 ნოემბერს დასრულდება.
