Batumelebi | ბათუმის მოხუცთა თავშესაფრის 80 ხანდაზმული კოვიდისგან განიკურნა ბათუმის მოხუცთა თავშესაფრის 80 ხანდაზმული კოვიდისგან განიკურნა – Batumelebi
RU | GE  

ბათუმის მოხუცთა თავშესაფრის 80 ხანდაზმული კოვიდისგან განიკურნა

ბათუმისა და ლაზეთის ეპარქიის პატრონაჟის ქვეშ არსებულ ბათუმის მოხუცთა თავშესაფრის 80 ბინადარი კორონავირუსისგან განიკურნა. თავშესაფრის დირექტორის, დეკანოზ იოანე ბარამიძის ინფორმაციით, ისინი თავს კარგად გრძნობენ.

დეკანოზისავე ინფორმაციით, ამ დროისთვის კორონავირუსის დადასტურებული დიაგნოზით მკურნალობის კურსს გადის თავშესაფრის 10 ბინადარი, მათგან არცერთის მდგომარეობა მძიმე არ არის, ზოგიერთი კი უსიმპტომოა.

უსიმპტომო პაციენტები კოვიდსასტუმროში არიან გადაყვანილები, ხოლო ისინი, ვისაც ტემპერატურა უფიქსირდება და თანმდევი დაავადებებიც გართულებული აქვს, სტაციონარში მკურნალობენ.

მოხუცთა თავშესაფარ „სავანეში“ სულ 122 ადგილია.

ნეტგაზეთის მასალების სხვა გამოცემებში გადაბეჭდვის წესი
ავტორი