Batumelebi | ხელვაჩაურის რესურსცენტრის ორგანიზებით პირველი მუნიციპალური კონფერენცია გაიმართა ხელვაჩაურის რესურსცენტრის ორგანიზებით პირველი მუნიციპალური კონფერენცია გაიმართა – Batumelebi

ხელვაჩაურის რესურსცენტრის ორგანიზებით პირველი მუნიციპალური კონფერენცია გაიმართა

ხელვაჩაურის რესურსცენტრის ორგანიზებით და ხელვაჩაურის მუნიციპალიტეტის საჯარო სკოლების მხარდაჭერით გაიმართა პირველი მუნიციპალური ონლაინ კონფერენცია სახელწოდებით : ,,არაფორმალური განათლება და დისტანციური სწავლება“.

კონფერენციის მიზანი იყო: არაფორმალური განათლების ხელშეწყობა დისტანციური ფორმით; მოსწავლეთა წიგნიერების დონისა და მოტივაციის ამაღლება; მსჯელობის, აზრთაგაზიარების, თანამშრომლობის, თავისუფალი აზროვნების, დისკუსიის უნარების განვითარება.

კონფერენციაში მონაწილეობდა ხელვაჩაურის მუნიციპალიტეტის საჯარო სკოლების საგნობრივ ონლაინ (ბიოლოგიის, ქიმიის, სამოქალაქო განათლების, ისტორიის, წიგნის კითხვის მოყვარულთა) კლუბებში აქტიურად ჩართული მოსწავლეები და მასწავლებლები. მოსწავლეებს საშუალება მიეცათ მიეღოთ/გაეზიარებინათ ერთმანეთისთვის ცოდნა დისტანციური ფორმით.

ონლაინკონფერენცია წარიმართა ინტერაქტიულ რეჟიმში, მოსწავლეები გამოთქვამდნენ მოსაზრებებს, მსჯელობდნენ.

კონფერენციას ესწრებოდა აჭარის განათლების, კულტურისა და სპორტის მინისტრი მაია ხაჯიშვილი, რომელიც აქტიურად ჩაერთო დისკუსიაში.

შეხვედრის შეჯამებისას მონაწილეები აღნიშნავდნენ, რომ ფორმალურ განათლებასთან ერთად არაფორმალური სწავლებაც წარმოადგენს თანამედროვე განათლების დოქტრინის მნიშვნელოვან ნაწილს, ის ასრულებს შემდგომი უწყვეტი სწავლების ფუნქციას, ემსახურება კვალიფიკაციის სრულყოფას, გავლენას ახდენს მოსწავლეთა სოციალურ და ფსიქოლოგიურ მდგომარეობაზე, ამიტომაც უფრო საინტერესო და მნიშვნელოვანი იყო მოსწავლეებისთვის ონლაინ კლუბებში, კონფერენციებში მონაწილეობა.

ნეტგაზეთის მასალების სხვა გამოცემებში გადაბეჭდვის წესი
ავტორი