დღეს, 6 აგვისტოს, გამთენიისას, რუსულმა ჯარებმა დაარტყეს ხარკოვის ცენტრალურ უბანს, რის შედეგადაც კლინიკის შენობა დაზიანდა – წერს ხარკოვის მერი იგორ ტერეხოვი ტელეგრამზე.
წინასწარი ინფორმაციით, საუბარია „ისკანდერის“ ტიპის რაკეტაზე.
ხარკოვის სამხარეო ადმინისტრაციის უფროსის, ოლეგ სინეგუბოვის განცხადებით, ნანგრევებ ქვეშ შესაძლოა ხალხი იყოს.
დარტყმის შედეგად დაზიანდა სამოქალაქო შენობები და ინფრასტრუქტურა, ჩამსხვრეულია მინები. მსხვერპლის შესახებ ამ დროისთვის ინფორმაცია არ ვრცელდება.
ხარკოვის მერი მოსახლეობას აფრთხილებს, რომ დაბომბვა შესაძლოა განმეორდეს.
__________
ფოტოზე: ხარკოვის მერი
