Batumelebi | COVID19-ით იტალიაში 525 ადამიანი გარდაიცვალა – ყველაზე დაბალი მაჩვენებელი ბოლო ორ კვირაში COVID19-ით იტალიაში 525 ადამიანი გარდაიცვალა – ყველაზე დაბალი მაჩვენებელი ბოლო ორ კვირაში – Batumelebi

COVID19-ით იტალიაში 525 ადამიანი გარდაიცვალა – ყველაზე დაბალი მაჩვენებელი ბოლო ორ კვირაში

იტალიაში 5 აპრილს კორონავირუსით 525 ადამიანი გარდაიცვალა, რაც ორ კვირაზე მეტი პერიოდის განმავლობაში ყველაზე დაბალი მაჩვენებელია.

გარდა ამისა, უკვე ზედიზედ მეორე დღეა მცირდება ინტერნსიურ თერაპიაში მყოფი პაციენტების რაოდენობა. ამჟამად იტალიის კლინიკების ამ განყოფილებებში 3977 ადამიანი წევს კორონავირუსის დიაგნოზით.

ბოლო 24 საათში ქვეყანაში კორონავირუსის 4316 ახალი შემთხვევა გამოვლინდა, უფრო ნაკლები, ვიდრე გუშინ, 4 აპრილს [4805].

„ეს შესაძლოა იყოს იმის ნიშანი, რომ ეპიდემიამ მიაღწია პლატოს ქვეყნის ჩაკეტვიდან, 9 მარტიდან, თითქმის ერთი თვის შემდეგ,“ – წერს „როიტერსი“.

5 აპრილის მონაცემებით, იტალიაში კორონავირუსის 124 632 შემთხვევაა დადასტურებული. COVID19-ით გარდაიცვალა 15 362 ადამიანი, გამოჯანმრთელდა – 20 996.

________________

ფოტო: ევროპის პრესსააგენტო. EPA/ANGELO CARCONI

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com