Batumelebi | სახელმწიფო შაქრის, ზეთისა და მაკარონის მარაგს ქმნის, რისთვისაც 16 მილიონს დახარჯავს სახელმწიფო შაქრის, ზეთისა და მაკარონის მარაგს ქმნის, რისთვისაც 16 მილიონს დახარჯავს – Batumelebi

სახელმწიფო შაქრის, ზეთისა და მაკარონის მარაგს ქმნის, რისთვისაც 16 მილიონს დახარჯავს

ახალი კორონავირუსის (COVID 19) გავრცელებით გამოწვეული გარემოებების გამო, საქართველოს მთავრობამ ქვეყანაში პირველადი საკვები პროდუქტების: მაკარონის, შაქრისა და მზესუმზირას ზეთის სასურსათო მარაგების შექმნის გადაწყვეტილება მიიღო.

მარაგების შექმნა ითვალისწინებს არაუმეტეს 5 ათასი ტონა შაქარის, 500 ტონა მაკარონისა და 1,5 მილიონი ლიტრი მზესუმზირის ზეთის შესყიდვას, დასაწყობებას და შენახვას.

ამ პროდუქტების შესყიდვა სოფლისა და სოფლის მეურნეობის განვითარების სააგენტოს დაევალა. პროდუქტების შესყიდვის [თანმდევი მომსახურებით], დასაწყობებისა და შენახვისთვის ქვეყნის ბიუჯეტიდან 16 მილიონი ლარი დაიხარჯება.

პროდუქტების შესყიდვა ტენდერის გარეშე განხორციელდება, რის შესათანხმებლადაც სოფლისა და სოფლის მეურნეობის განვითარების სააგენტომ უკვე მიმართა სახელმწიფო შესყიდვების სააგენტოს.

ბრინჯი, მაკარონის ნაწარმი, წიწიბურა, მზესუმზირის ზეთი, შაქარი, ხორბალი, ხორბლის ფქვილი, რძის ფხვნილი და ლობიო – ამ პროდუქტებზე ფასების შენარჩუნების მიზნით კი, მთავრობამ ცალკე სახელმწიფო პროგრამაც დაამტკიცა. ამ პროგრამის დაფინანსებისთვის კი ბიუჯეტიდან 10 მილიონი ლარი გამოიყოფა:

9 პროდუქტზე ფასის შესანარჩუნებლად 10 მილიონი დაიხარჯება – ვინ მიიღებს დაფინანსებას

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com