Batumelebi | 793 გარდაცვლილი ბოლო 24 საათში – კორონავირუსი იტალიაში 793 გარდაცვლილი ბოლო 24 საათში – კორონავირუსი იტალიაში – Batumelebi
RU | GE  

793 გარდაცვლილი ბოლო 24 საათში – კორონავირუსი იტალიაში

იტალიაში კორონავირუსით გარდაცვლილთა რიცხვი გაიზარდა და 4 825 გახდა. ბოლო 24 საათში  კორონავირუსით ქვეყანაში 793 ადამიანი გარდაიცვალა. დაფიქსირდა 5 557 ახალი შემთხვევა. უახლესი მონაცემებით ქვეყნის მასშტაბით კორონავირუსით 53 578 ადამიანია ინფიცირებული.

დღეს, 21 მარტს, მხოლოდ ლომბარდიის რეგიონში, კორონავირუსით 546 ადამიანი გარდაიცვალა. 25 515 ადამიანს კი კორონავირუსის დიაგნოზი აქვს. აქედან ბოლო 24 საათში ლომბარდიის რეგიონში კორონავირუსის დიაგნოზი 3 251 ადამიანს დაუსვეს. სწორედ ლომბარდიაა ვირუსის გავრცელების ეპიცენტრი.

ლომბარდიის შემდეგ ყველაზე მეტად ვირუსი ემილია-რომანიის რეგიონშია გავრცელებული.

21 მარტის მონაცემებით კორონავირუსისგან 943 ადამიანი განიკურნა. გამოჯანმრთელებულთა ჯამური რაოდენობა 6 072-ია.

 

ფოტო: ევროპის პრესსააგენტო. EPA/PAOLO SALMOIRAGO

ნეტგაზეთის მასალების სხვა გამოცემებში გადაბეჭდვის წესი
ავტორი