შსს ინფორმაციით, თვითიზოლაციის წესების დარღვევისთვის იძულებით კარანტინში 10 ადამიანი გადაიყვანეს. საკარანტინო ზონებში იძულების წესით სულ 22 ადამიანია გადაყვანილი.
იძულებით კარანტინში გადაყვანილი არიან ადამიანები თბილისიდან, ასევე კახეთის, ქვემო ქართლის, აჭარის, გურიის და იმერეთის რეგიონიდან.
შსს ინფორმაციით, თვითიზოლაციის წესების დარღვევის ფაქტები ბოლო 24 საათშია გამოვლენილი.
„შეგახსენებთ, რომ საქართველოს ტერიტორიაზე მყოფი ყველა პირი ვალდებულია დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს და პატივი სცეს საზოგადოებრივი ჯანმრთელობის სამსახურის გადაწყვეტილებებს.
შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ აღნიშნულ რეგულაციებს“-ნათქვამია შსს განცხადებაში, რომელიც დღეს 14 მარტს გავრცელდა.
