Batumelebi | სკოლა ევრო – 2000 16 მარტიდან ონლაინსწავლებაზე გადადის სკოლა ევრო – 2000 16 მარტიდან ონლაინსწავლებაზე გადადის – Batumelebi
RU | GE  

სკოლა ევრო – 2000 16 მარტიდან ონლაინსწავლებაზე გადადის

ძვირფასო მოსწავლეებო და მშობლებო!

როგორც იცით, ჩვენი ახალგაზრდების ჯანმრთელობაზე ზრუნვიდან გამომდინარე საქართველოს განათლების, მეცნიერების, კულტურისა და სპორტის მინისტრის 2020 წლის 11 მარტის N29/ნ ბრძანებით, საქართველოს მასშტაბით სასწავლო დაწესებულებებში გამოცხადებული არდადეგები ამ ეტაპზე პირველ აპრილამდე გახანგრძლივდა.

ქვეყანაში მიმდინარე მოვლენებმა რადიკალურად შეცვალა ბევრი რამ და ბუნებრივია, შეეხო განათლების სფეროსაც.

შექმნილ ვითარებაში სკოლა ევრო – 2000 -ის ადმინისტრაციამ შეიმუშავა კონკრეტული საგანმანათლებლო და აკადემიური გეგმა, რომელსაც საფუძვლად დაედო Schoollbook-ის მიერ ონლაინსწავლების ფუნქციის დამატება სკოლებისათვის დისტანციური სწავლების სერვისების ხელშეწყობისა და მოწოდების მიზნით.

ეს გეგმა იძლევა იმის გარანტიას, რომ სასწავლო და აკადემიურ პროცესს ხელი არ შეეშლება.

„სქულბუქის“ ონლაინსკოლის საშუალებით სკოლა ევრო-2000 -ის პედაგოგები ორშაბათიდან, 2020 წლის 16 მარტიდან, გაკვეთილებს  შეუფერხებლად ჩაატარებენ.

გისურვებთ ჯანმრთელობას და წარმატებებს!

სკოლის ადმინისტრაცია

ნეტგაზეთის მასალების სხვა გამოცემებში გადაბეჭდვის წესი
ავტორი