Batumelebi | მოსწავლეები და მასწავლებლები 20GB ინტერნეტით 10 ლარად ისევ ისარგებლებენ – სამინისტრო მოსწავლეები და მასწავლებლები 20GB ინტერნეტით 10 ლარად ისევ ისარგებლებენ – სამინისტრო – Batumelebi
RU | GE  

მოსწავლეები და მასწავლებლები 20GB ინტერნეტით 10 ლარად ისევ ისარგებლებენ – სამინისტრო

განათლების სამინისტროს ინფორმაციით, სამ მობილურ ოპერატორს – „მაგთიკომს“, „ვიონ საქართველოსა“ და „სილქნეტს“ შორის გაფორმდა მემორანდუმი, რის შედეგადაც საჯარო და კერძო სკოლების მოსწავლეები და მასწავლებლები 2021-2022 სასწავლო წლის განმავლობაშიც შეღავათიანი მობილური ინტერნეტპაკეტით სარგებლობას შეძლებენ.

სამინისტროს ინფორმაციით, მემორანდუმი ითვალისწინებს ინტერნეტპროვაიდერების მიერ მოსწავლეებისა და მასწავლებლებისთვის 20GB მაღალხარისხიანი მობილური ინტერნეტპაკეტის 10 ლარად შეთავაზებას, რაც სტანდარტულ ღირებულებასთან შედარებით 2,5-ჯერ ნაკლებია.

„დარგის სპეციალისტების რეკომენდაციის თანახმად, 20GB ინტერნეტი სრულიად საკმარისია ერთი თვის განმავლობაში ონლაინგაკვეთილებზე დასწრებისა და შესაბამისი რესურსების მოძიებისთვის“, – მიაჩნიათ სამინისტროში.

სამინისტროს განცხადებით, შეღავათიანი ინტერნეტპაკეტით სარგებლობისთვის საჯარო და კერძო სკოლების მასწავლებლებმა და მოსწავლეთა მშობლებმა (ან ოჯახის წევრებმა) საჭიროა პლატფორმაზე – www.mobile.emis.ge მოსწავლის ან მასწავლებლის პირადი ნომრის მითითებით, დაარეგისტრირონ ტელეფონის ის ნომრები, რომლებზეც სურთ აღნიშნული პაკეტის გააქტიურება. პაკეტის მოქმედების ვადა 30 დღეა, ვადის ამოწურვის შემდეგ გამოუყენებელი მეგაბაიტები ნულდება.

ვებგვერდი – www.mobile.emis.ge 15 სექტემბრიდან ამოქმედდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com