მომავალი [2020-21] სასწავლო წლისთვის, პირველკლასელი მოსწავლეებისა და მათი დამრიგებლებისთვის, განათლების სამინისტრო 55 ათას ცალ კომპიუტერს 31 მილიონ 350 ათასი ლარის ფარგლებში შეისყიდის. აქედან აჭარის სკოლებისთვის ჯამში 4 800 კომპიუტერია გათვალისწინებული.
„საგანმანთლებლო და სამეცნიერო ინფრასტრუქტურის განვითარების სააგენტომ“ პორტაბელური კომპიუტერების [ლეპტოპების] შესყიდვაზე ელექტრონული ტენდერი უკვე გამოაცხადა.
თანხა, პროგრამა „ჩემი პირველი კომპიუტერის“ ფარგლებში, სახელმწიფო ბიუჯეტიდან დაიხარჯება.
ტენდერის პირობების მიხედვით, კომპიუტერების მიწოდება უნდა განხორციელდეს ეტაპობრივად, „12 900 ცალი კომპიუტერის მიწოდების ვადაა არაუგვიანეს 2020 წლის 25 მაისი [მიწოდების ადგილი თბილისი], ხოლო 42 100 ცალი კომპიუტერის მიწოდების ვადაა არაუგვიანეს 2020 წლის პირველი სექტემბერი [მიწოდების ადგილი – საგანმანათლებლო რესურსცენტრები მუნიციპალიტეტებში].
https://batumelebi.netgazeti.ge/news/249144/
