Batumelebi | „ოცნების ქალაქში“ 38-მილიონიან მშენებლობაზე ხელშეკრულება გაფორმდა „ოცნების ქალაქში“ 38-მილიონიან მშენებლობაზე ხელშეკრულება გაფორმდა – Batumelebi

„ოცნების ქალაქში“ 38-მილიონიან მშენებლობაზე ხელშეკრულება გაფორმდა

ტენდერში გამარჯვებულ კომპანია „დაგსა“ და აჭარის ფინანსთა და ეკონომიკის სამინისტროს შორის „ოცნების ქალაქში“ კორპუსების მშენებლობაზე ხელშეკრულება დღეს, 13 თებერვალს, გაფორმდა. სახელშეკრულებო ღირებულება 38 745 999 ლარია. სამშენებლო სამუშაოების შესრულების ვადა კი – 2021 წლის 13 ივლისის ჩათვლით პერიოდი.

აჭარის ფინანსთა და ეკონომიკის სამინისტროს სატენდერო კომისიის 2020 წლის 3 თებერვლის ოქმის მიხედვით, გამარჯვებულ კომპანია „დაგს“ დაევალა, მაქსიმუმ 10 სამუშაო დღეში 968 650 ლარზე  საბანკო გარანტია წარედგინა. კომპანიამ საგარანტიო 6 თებერვალს წარადგინა.

„დაგი“ ხელშეკრულების ფარგლებში სამ კორპუსს ააშენებს.

„ოცნების ქალაქში“, მშენებლობისთვის განკუთვნილ ტერიტორიაზე, ტენდერში გამარჯვებული კომპანიის ტრაქტორები ხელშეკრულების გაფორმებამდე მუშაობდნენ:

„ოცნების ქალაქში“ ტრაქტორები მუშაობენ – ხელშეკრულება ჯერ გაფორმებული არ არის

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com