Batumelebi | უგზო-უკვლოდ დაკარგული ადამიანები საქართველოდან უგზო-უკვლოდ დაკარგული ადამიანები საქართველოდან – Batumelebi

უგზო-უკვლოდ დაკარგული ადამიანები საქართველოდან

2019 წელს საქართველოში სულ 195 ადამიანი დაიკარგა,  აქედან 123 იპოვეს, იძებნება – 62 ადამიანი, გარდაცვლილი იპოვეს – 10. სტატისტიკურ მონაცემებს შინაგან საქმეთა სამინისტრო აქვეყნებს.

ოფიციალური სტატისტიკის მიხედვით, წინა წლებში უგზო-უკვლოდ დაკარგული პირებიდან ისევ ეძებენ 1000 ადამიანს. წინა წლებში გაუჩინარებულებიდან 69 ადამიანი უპოვიათ სამართალდამცველებს.

ყველაზე მეტი ადამიანი უგზო-უკვლოდ 2019 წელს თბილისში დაიკარგა – 59, აჭარაში – 13. ამ დროისთვის თბილისში წინა წლებში გაუჩინარებულების ჩათვლით 363 ადამიანს ეძებენ, ბათუმში – 64-ს.

ნაპოვნ ადამიანებს შორის ყველაზე მეტი – 30 პირი 16 წლამდე არასრულწლოვანია. დაკარგულების და მოსაძებნი პირების უმრავლესობა 25-დან 44 წლამდე ადამიანია. დაკარგულების 34 პროცენტი ქალია.

დაკარგულებს შორის იყვნენ უცხო ქვეყნის მოქალაქეებიც: საუდის არაბეთი – 2, ბელგია – 4, აზერბაიჯანი – 1, ყაზახეთი – 1, რუსეთი – 1, იორდანია – 1. შსს-ს ინფორმაციით, ყველა უცხოელი, რომელიც საქართველოში გასულ წელს გაუჩინარდა, უკვე ნაპოვნია ყაზახი მოქალაქის გარდა.

მოსაძებნ პირებს შორის, რომლებიც ჯერ კიდევ ვერ იპოვეს, 35 არასრულწლოვანია.

ნეტგაზეთის მასალების სხვა გამოცემებში გადაბეჭდვის წესი
ავტორი