ბათუმის ბულვარში მთავარი საახალწლო ნაძვის ხის აწყობა თითქმის დასრულებულია


ბათუმის ბულვარში მთავარი ნაძვის ხის აწყობა თითქმის დასრულებულია, უახლოეს დღეებში მის მორთვას დაიწყებენ, ბათუმის კულტურის ცენტრის დირექტორის ჯონი საბაშვილის ინფორმაციით ქალაქის მთავარ ნაძვის ხეს ახალი აქსესუარები დაემატება და  განსხვავებული ელფერი მიეცემა.

ფოტო: თედო ჯორბენაძე

 

როგორც უკვე ცნობილია 2020 წელს მთავარი საახალწლო კონცერტი ბათუმში ტრადიციულად ევროპის მოედანზე აღარ გაიმართება. ბათუმის მერია ბოლო წლებში დამკვიდრებულ ტრადიციას ცვლის. მთავარი კონცერტის სცენა ბათუმის ბულვარში  საზაფხულო თეატრთან დამონტაჟდება, ხოლო მთავარ ნაძვის ხეს ბულვარის კოლონადებთან მრგვალ შადრევანზე დგამენ.

ბათუმის ბულვარში ნაძვის ხეს 25 დეკებერს საზეიმო ვითარებაში აანთებენ.

ბათუმის კულტურის ცენტრის ხელმძღვანელის, ჯონი საბაშვილის ინფორმაციით, მთავარ კონცერტში მონაწილეობას ისევ ადგილობრივი შემსრულებლები მიიღებენ.

ნეტგაზეთის მასალების სხვა გამოცემებში გადაბეჭდვის წესი
ავტორი