რიჟვაძე: მოვემზადებით, რომ რეგიონი სამუდამოდ გავწმინდოთ ნაცმოძრაობის ნარჩენებისგან


აჭარის მთავრობის თავმჯდომარემ, თორინკე რიჟვაძემ, აჭარის ტელევიზიასთან შესაძლო საკადრო ცვლილებებზე საუბრისას თქვა, რომ მათი წლევანდელი და მომავალი წლის გეგმებში რეგიონის „ნაციონალური მოძრაობისგან“ გაწმენდა შედის.

„ნუ აყვებით ჭორებს. რა თქმა უნდა, ჩვენ, ვინც ამ ჭორებს გვივრცელებს, ბუნებრივია, საქმით დავუმტკიცებთ, რომ ჩვენი გეგმა, როგორც წელს, ასევე მომავალ წელს, გახლავთ ის, რომ მოვემაზდოთ არჩევნებისთვის და ერთხელ და სამუდამოდ რეგიონი გავწმინდოთ ნაცმოძრაობის ნარჩენებისგან“, – განაცხადა თორნიკე რიჟვაძემ.

ახლახან საქართველოს პარლამენტში გამოსვლისას პრემიერობის კანდიდატმა – გიორგი გახარიამ თქვა, რომ ის არსად არ აპირებს წასვლას და „ნაციონალურ მოძრაობას“ დაასრულებს.

შეგახსენებთ, რომ „ქართული ოცნება“ ქვეყანას უკვე 7 წელია მართავს. 2012 წლის შემდეგ ქვეყანაში ხუთი არჩევნები ჩატარდა. ყოველი საარჩევნო კამპანიის დროს ხელისუფლების მთავარი სლოგანი „ნაციონალური მოძრაობის“ საბოლოოდ დასრულება იყო.

მთავარი ფოტო: კადრი აჭარის ტელევიზიიდან

ამავე თემაზე:

მე თქვენ დაგასრულებთ, ქუჩაში დარჩებით – გახარია ნაციონალურ მოძრაობას

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან