მთავარი,სიახლეები

77 წლის ქალს გარდაცვლილი ქმრის ქონებას არ აძლევენ – დავა საკონსტიტუციოში

26.07.2019 • 3104
77 წლის ქალს გარდაცვლილი ქმრის ქონებას არ აძლევენ – დავა საკონსტიტუციოში

ბათუმელი ციალა პერტია პარლამენტის წინააღმდეგ საკონსტიტუციო სასამართლოში დავობს. დავის საგანი სამოქალაქო კოდექსის ის ჩანაწერია, რომლის მიხედვითაც სამკვიდროს ვერ მიიღებს გარდაცვლილის მეუღლე, თუ ქორწინება რეგისტრირებული არ იყო. დავას არსებითად საკონსტიტუციო სასამართლოს მეორე კოლეგია განიხილავს.

ციალა პერტიას პრობლემის შესახებ „ბათუმელები“ 2017 წლის სექტემბერში წერდა. მაშინ ციალა პერტიამ გვითხრა, რომ ის უძრავ ქონებას გარდაცვლილი ქმრის ძმას ედავებოდა და ბინის დაცლას სთხოვდა. ციალა პერტია ახლა 77 წლისაა. იგი 27 წლის განმავლობაში იმყოფებოდა არარეგისტრირებულ ქორწინებაში, რასაც ციალას მეზობლებიც ადასტურებენ.

მოსარჩელის პოზიციით, მეუღლეთა უფლება-მოვალეობები უნდა წარმოიშობოდეს არა მხოლოდ ქორწინების რეგისტრაციის შედეგად, არამედ მაშინაც, როდესაც დადასტურებადია პირთა ფაქტობრივი თანაცხოვრებისა და მჭიდრო პირადი ურთიერთობის ფაქტი. შესაბამისად, მოსარჩელე მიიჩნევს, რომ იგი რეგისტრირებულ ქორწინებაში მყოფ პირებთან მიმართებით დისკრიმინაციულ მდგომარეობაშია და სადავო ნორმა ეწინააღმდეგება კონსტიტუციით გარანტირებულ თანასწორობის უფლებას.

___

ამავე თემაზე:

ვის ეკუთვნის გარდაცვლილის ქონება – არაოფიციალურ მეუღლეს თუ ძმას

გადაბეჭდვის წესი


ასევე: