13 ივლისს ავარიაში დაღუპული ოჯახის მეორე შვილის მდგომარეობა სტაბილურად მძიმეა

13 ივლისს ქობულეთის შემოვლით გზაზე ავტოსაგზაო შემთხვევის შედეგად დაღუპული უცხოელი ტურისტების მეორე შვილის მდგომარეობა სტაბილურად მძიმეა. ავარიის დროს მშობლები და მათი 6 წლის შვილი დაიღუპნენ. მეორე ბავშვი კი ამ დრომდე ქუთაისში ინტერვენციულ საავადმყოფოში რჩება.

ევექსის ინფორმაციით, ბავშვის მდგომარეობა „სტაბილურად მძიმეა და ის რეანიმაციაში მართვით სუნთქვაზე იმყოფება“. ბავშვი კლინიკაში სხეულის სხვადასხვა მოტეხილობით მოათავსეს.

შსს-ს ინფორმაციით, ავარიის დროს სამი მინივენი შეეჯახა ერთმანეთს, რის შედეგადაც სამი უცხოელი ტურისტი დაიღუპა ერთი ოჯახიდან, ცხრა ადამიანი კი დაშავდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com