ავტოსაგზაო შემთხვევა მოხდა ქობულეთის შემოვლით გზაზე, რის შედეგადაც ერთი ადამიანი დაიღუპა, ათამდე კი მძიმედ დაშავდა. შს სამინისტროს ინფორმაციით, ერთმანეთს სამი მინივენი შეეჯახა
როგორც ქობულეთის სასწრაფო დახმარების სამსახურში გვეუბნებიან, დაშავებულთა ზუსტი რაოდენობა ჯერ კიდევ დასადგენია, „რადგან სასწრაფო დახმარების ჯგუფები ჯერ არ დაბრუნებულან, დაახლოებით ათამდე ადამიანი გადმოჰყავთ კლინიკაში“.
შსს ინფორმაციით, ავარიის დროს ერთმანეთს სამი მინივენი შეეჯახა. გამოძიება დაწყებულია სსკ-ის 276- ე მუხლით, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.
განახლებული ინფორმაცია: აჭარის ჯანდაცვის სამინისტროს ინფორმაციით, ავარიის შედეგად ცოლ-ქმარი, არაბი ტურისტები დაიღუპნენ, მათი შვილები, 3 და 5 წლის ბავშვები კი მძიმე მდგომარეობაში არიან კლინიკაში გადაყვანილი.
_________________________
მთავარი ფოტო: TV-25
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")
