2019 წლის 7 ივლისს, დღის 16 საათიდან, მახუნცეთში, რესტორან „ჭადრების“ მიმდებარე ტირიტორიაზე, ქედის ღვინის ფესტივალი გაიმართება, სადაც ქედელი და აჭარის სხვა მუნიციპალიტეტის მეღვინეები საკუთარი წარმოების ღვინოს წარმოადგენენ.
ფესტივალზე შესაძლებელი იქნება ღვინის დეგუსტაცია და შეძენა, ასევე, გაიმართება კონკურსი ქედელ მეღვინეებს შორის, სადაც გამოვლინდება „საუკეთესო წითელი ღვინო“ – ორი გამარჯვებული ნომინაციაში, „საუკეთესო თეთრი ღვინო“ – ორი გამარჯვებული, „საუკეთესო ვარდისფერი ღვინო“ – ერთი გამარჯვებული ნომინაციაში.
ფესტივალის მიზანია ქედის ღვინის პოპულარიზაცია, ქედაში შემორჩენილი უნიკალური ვაზის ჯიშების წარმოჩენა, მევენახე/მეღვინე ფერმერების მოტივაციის ამაღლება და მუნიციპალიტეტში „ღვინის უძველესი გზის“ გამოცოცხლება. ფესტივალი წელს პირველად იმართება.
ფესტივალის ბიუჯეტი 21 000 ლარია. ღონისძიებას ორგანიზებას ქედის მუნიციპალიტეტის მერია და აჭარის ა რ სოფლის მეურნეობის სამინისტრო გაუწევს.
ამავე თემაზე:
