ხელვაჩაურს გაზი არ მიეწოდება – გაზსადენს ავტომანქანა შეეჯახა


ცოტა ხნის წინ ხელვაჩაურში გაზსადენს ავტომანქანა დაეჯახა, რამაც მაგისტრალი დააზიანა. ამ დროისთვის მუნიციპალიტეტს ბუნებრივი აირი არ მიეწოდება.

კომპანია „სოკარ ჯორჯია გაზის“ განმარტებით, დღეს, 4 თებერვალს, ხელვაჩაურში გაზის გათიშვა ავტოავარიამ გამოიწვია. კომპანია ამ დროისთვის ვერ აკონკრეტებს, როდის აღდგება ბუნებრივი აირის მიწოდება ხელვაჩაურის მუნიციპალიტეტში.

შეჯახების შედეგად დაშავებულების შესახებ ინფორმაცია არ ვრცელდება.

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი