Batumelebi | პირველი თებერვლიდან სამხედრო სავალდებულო სამსახურში საგაზაფხულო გაწვევა დაიწყება პირველი თებერვლიდან სამხედრო სავალდებულო სამსახურში საგაზაფხულო გაწვევა დაიწყება – Batumelebi
RU | GE  

პირველი თებერვლიდან სამხედრო სავალდებულო სამსახურში საგაზაფხულო გაწვევა დაიწყება

საქართველოს მთავრობის გადაწყვეტილებით მოქალაქეთა 2019 წლის საგაზაფხულო გაწვევა განხორციელდება 2019 წლის პირველი თებერვლიდან 2019 წლის 29 ივნისამდე.

მთავრობის დადგენილებით:

საქართველოს თავდაცვის ძალებში გასაწვევ მოქალაქეთა მაქსიმალური რაოდენობა განისაზღვრა 1700-ით;

საქართველოს იუსტიციის სამინისტროს სისტემაში შემავალ სახელმწიფო საქვეუწყებო დაწესებულებაში – სპეციალურ პენიტენციურ სამსახურში გასაწვევ მოქალაქეთა მაქსიმალური რაოდენობა განისაზღვრა 1309-ით;

საქართველოს შინაგან საქმეთა სამინისტროს გასამხედროებულ ქვედანაყოფებში გასაწვევ მოქალაქეთა მაქსიმალური რაოდენობა განისაზღვრა 920-ით;

საქართველოს სახელმწიფო დაცვის სპეციალურ სამსახურში გასაწვევ მოქალაქეთა მაქსიმალური რაოდენობა განისაზღვრა  200-ით;

საქართველოს სახელმწიფო უსაფრთხოების სამსახურში გასაწვევ მოქალაქეთა მაქსიმალური რაოდენობა განისაზღვროს 341-ით.

გაწვევას ექვემდებარება 18-დან 27 წლამდე ასაკის მოქალაქეები, რომლებსაც, საქართველოს კანონმდებლობით გათვალისწინებული წესით, არ აქვთ სამხედრო სამსახურში გაწვევის გადავადების ან სამხედრო სამსახურში გაწვევისაგან გათავისუფლების  მოთხოვნის უფლება. ისინი ვალდებულნი არიან, გამოცხადდნენ მუნიციპალიტეტის მერიის შესაბამის სტრუქტურულ ერთეულში რეგისტრაციის/ფაქტობრივი საცხოვრებელი ადგილის მიხედვით.

ჯანდაცვის სამინისტრომ 11 თებერვლამდე უნდა განსაზღვროს ის სამედიცინო დაწესებულებები, რომლებშიც გაიგზავნებიან წვევამდელები დამატებითი სამედიცინო გამოკვლევისათვის.

სამხედრო სამსახურში გაწვევის გადავადების მოსაკრებლის გადახდა განხორციელდება გაწვევის მთლიან პერიოდში, შესაბამისი გამწვევი კომისიის მიერ სამხედრო სავალდებულო სამსახურში გაწვევის გადაწყვეტილების მიღებიდან 10 დღის ვადაში.

შსს ვალდებულია ადგილებზე აღმოუჩინოს დახმარება მუნიციპალიტეტის წარმომადგენლობის სტრუქტურულ ერთეულებს იმ წვევამდელთა მოძებნასა და გამწვევ კომისიაზე გამოცხადებაში, რომლებიც თავს არიდებენ სამხედრო სავალდებულო  სამსახურს.

მთავრობის გადაწყვეტილებით, სამხედრო სავალდებულო სამსახურში გაწვევის პროცესს კოორდინაციას გაუწევს საქართველოს რეგიონული განვითარებისა და ინფრასტრუქტურის სამინისტრო.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com