4 ნოემბერს საბაჟო გამშვებ პუნქტში – ,,ბათუმის აეროპორტი“, ნარკოტიკული და ფსიქოტროპული ნივთიერებების შემცველი მედიკამენტების საზღვარზე უკანონოდ შემოტანის მცდელობის 2 ფაქტი აღიკვეთა.
ფინანსთა სამინისტროს შემოსავლების სამსახურის ინფორმაციით, მებაჟე ოფიცრებმა, ეჭვის საფუძველზე, ისრაელისა და საქართველოს მოქალაქეების, ი.შ.სა და ბ.თ-ს კუთვნილი ბარგების დათვალიერებისას, 208 კაფსულა და 11 აბი ფსიქოტროპული და 27 აბი ნარკოტიკული ნივთიერებების შემცველი მედიკამენტები გამოავლინეს.
საქმეთა მასალები, შემდგომი რეაგირების მიზნით, ბათუმის საქალაქო სამმართველოს პოლიციის მე-7 განყოფილებას გადაეცა.
