პროექტი, რომლისთვისაც ბიუჯეტიდან 460 000 ლარი დაიხარჯა, აჭარის მთავრობამ თაროზე შემოდო

2019 წლის ბიუჯეტში აჭარის მთავრობისთვის ახალი ადმინისტრაციული შენობის ასაშენებლად თანხა გათვალისწინებული არ არის. ეს იმას ნიშნავს, რომ საპროექტო -სახარჯთაღრიხვო დოკუმენტი, რომლის შესყიდვის მიზნითაც ბიუჯეტიდან 460 000 ლარი უკვე დახარჯეს, მთავრობამ თაროზე შემოდო.

არამიზნობრივ ხარჯვასთან დაკავშირებით კითხვაზე აჭარის მთავრობაში პასუხობენ, რომ ჯერჯერობით ხარჯთაღრიცხვის მომზადება არ დასრულებულა, ამიტომაც დაზუსტებით არ შეგვიძლია ვთქვათ, რომ თანხა არამიზნობრივად დაიხარჯა. თუმცა არც ისაა გადაწყვეტილი, რაში გამოიყენებს მთავრობა კომახიძის ქუჩის #119-ში, უკვე არსებული ადმინისტრაციული შენობის მიმდებარედ, ახალი ადმინისტრაციული შენობის ასაშენებლად მომზადებულ პროექტს.

საპროექტო სახარჯთაღრიცხვო დოკუმენტაციის მომზადებაზე აჭარის ფინანსთა და ეკონომიკის სამინისტრომ ტენდერი 2018 წლის მაისში, აჭარის მთავრობის ყოფილ თავმჯდომარესთან, ზურაბ პატარაძესთან შეთანხმებით გამოაცხადა. მთავრობა ერთ შენობაში გეგმავდა სამინისტროებისა და მასზე დაქვემდებარებული უწყებების განთავსებას.

ახლა კი არაოფიციალურად ამბობენ, რომ ეს იდეა აჭარის მთავრობის მოქმედმა თავმჯდომარემ, თორნიკე რიჟვაძემ, დაიწუნა.

ამავე თემაზე:

https://batumelebi.netgazeti.ge/news/136788/