ბათუმის #17 საარჩევნო უბანთან პოლიცია მას შემდეგ გამოჩნდა, რაც საარჩევნო უბანი დაიხურა და უბანზე მყოფ ენმ-ის წარმომადგენელს ფანჯრიდან, ქუჩიდან დაემუქრნენ.
„როგორ გაბედე ჩემი მეუღლისთვის საჩივრის დაწერაო – ასე მითხრა“ – განაცხადა პარტიის წარმომადგენელმა.
უბანზე მცირე ხნით ჩოჩქოლი ატყდა. „ყუთს მიაქციეთ ყურადღება!“, „დახურეთ ფანჯარა“ – გაისმა რესპლიკები საარჩევნო უბანზე.
ენმ-ის წარმომადგენელმა საარჩევნო უბანზე დღეს ორი საჩივარი დაწერა.
საარჩევნო უბნის გარეთ მყოფმა სამმა პოლიციელმა უცნობი პირი შენობას გაარიდეს, უბნის თავმჯდომარე კი პოლიციას დაუკავშირდა და შენობასთან მოვიდა დამატებით სხვა ეკიპაჟიც.
ამ წუთებში კომისია აგრძელებს მუშაობას.
