ბათუმის საოლქო საარჩევნო კომისიის იურისტის, სულიკო შვენთიძის განცხადებით, საღამოს 17:00 საათის მონაცემებით, 52 017 ამომრჩეველმა გააკეთა საკუთარი არჩევანი, რაც ამომრჩეველთა საერთო რაოდენობის 36,28 პროცენტს შეადგენს.
„ამ დროისთვის ოლქში სულ 15 საჩივარია შესული. აქედან, ოთხი საჩივარი საიას მიერ არის დაწერილი, ერთი „სამართლიანი არჩევნების“, ერთიც სადამკვირვებლო ორგანიზაცია „ახალგაზრდული ცენტრის“ მიერ დაიწერა და დანარჩენი არის „ნაციონალური მოძრაობის“ მიერ დაწერილი საჩივრები“ – აცხადებს სულიკო შვენთიძე.
შვენთიძის თქმით, ამომრჩეველთა რაოდენობა წინა [ადგილობრივი თვითმმართველობის] არჩევნების ამავე დროის მონაცემებთან შედარებით 11-12 ათასით მეტია.
