კვირის ამბები,სიახლეები

კორეაში ქართული ენის შემსწავლელი კურსი გაიხსნა

02.10.2018 • 8925
კორეაში ქართული ენის შემსწავლელი კურსი გაიხსნა

სეულში, სამხრეთ კორეის ჰანკუკის უცხო ენათა უნივერსტიტეტში, ქართული ენის შემსწავლელი კურსი გაიხსნა.  ქართული ენის კურსს კორეაში მცხოვრები საქართველოს მოქალაქე ოთარ ბერეჟიანი გაუძღვება.

“ეს გადაწყვეტილება წარმოადგენს უმნიშვნელოვანეს ნაბიჯს კორეის რესპუბლიკაში საქართველოს კულტურის და ისტორიის პოპულარიზაციის თვალსაზრისით, რადგან მსგავსი პროექტი კორეის უმაღლეს საგანმანათლებლო სისტემაში პირველად ხორციელდება,” – ნათქვამია კორეაში საქართველოს საელჩოს მიერ გავრცელებულ რელიზში.

კორეაში საქართველოს საელჩოს ცნობით, ქართული ენის შემსწავლელი კურსის გახსნა კორეის ჰანკუკის უცხო ენათა უნივერსიტეტთან ჩატარებული მუშაობის შედეგად იქნა შესაძლებელი. დღეს, 2 ოქტომბერს, ჰანკუკის უნივერსიტეტს კორეაში საქართველოს ელჩი ოთარ ბერძენიშვილი ეწვია, რომელიც  ქართული ენის შემსწავლელი კურსის მიმდინარეობას გაეცნო და  სტუდენტებთან შეხვედრები გამართა.

ჰანკუკის უნივერსიტეტმა  2017 წელს ილიას სახელმწიფო უნივერსიტეტთან  ურთიერთგაგების მემორანდუმი გააფორმა, რომელიც განათლების სფეროში თანამშრომლობის გაღრმავებას და აკადემიურ წრეებს შორის კონტაქტების ხელშეწყობას ითვალისწინებს.

გადაბეჭდვის წესი


ასევე: