მთავარი,სიახლეები

„კომპანია გავაფრთხილეთ, დაწყებულია ადმინისტრაციული წარმოება“ – მერია

01.04.2024 • 3480
„კომპანია გავაფრთხილეთ, დაწყებულია ადმინისტრაციული წარმოება“ – მერია

ბათუმში, „პორტა თაუერზე“ სარეკლამო განცხადება კანონდარღვევით, მხოლოდ რუსულად და ინგლისურადაა განთავსებული.

დარღვევის ამსახველი ფოტო „ბათუმელებმა“ 29 მარტს გამოაქვეყნა.

საქართველოს კანონით სახელმწიფო ენის შესახებ, საჯარო ინფორმირებისთვის განკუთვნილი განცხადების, შეტყობინების, სასათაურო წარწერის, პლაკატის, აბრის, აფიშის, რეკლამის, სხვა ვიზუალური ინფორმაციის ტექსტი სახელმწიფო ენაზე სრულდება. საჭიროების შემთხვევაში, შესაბამისი ინფორმაცია შეიძლება მიეთითოს არასახელმწიფო ენაზედაც.

დღეს, პირველ აპრილს, ბათუმის მუნიციპალურ ინსპექციაში გვითხრეს, რომ დარღვევასთან დაკავშირებით დაწყებულია საქმის წარმოება.

„აღნიშნულთან დაკავშირებით მიმდინარეობს წარმოება. კანონის შესაბამისად, წერილობით გაფრთხილებულია კომპანია, ხარვეზის აღმოუფხვრელობის შემთხვევაში მოხდება საჯარიმო სანქციების გატარება“ – უთხრეს „ბათუმელებს“ მუნიციპალურ ინსპექციაში.

გადაბეჭდვის წესი


ასევე: