სულიკო თებიძე: ბათუმში ერთი ფერის ტაქსს მხარს არ დავუჭერ


„ტაქსების რეგულაციებზე ვფიქრობთ ჩვენც,“ – გვითხრა საკრებულოს თავმჯდომარემ, სულიკო თებიძემ. მას ვკითხეთ, ხომ არ იგეგმება ბათუმშიც ტაქსებისთვის ერთი ფერის დაწესება თბილისის მსგავსად. თბილისის მერიის გადაწყვეტილებით, თბილისში ტაქსებს 2019 წლის იანვრიდან მხოლოდ ერთი – თეთრი ფერი უნდა ჰქონდეთ.

„ბათუმის მერია მსჯელობს ამ საკითხზე, ჯერ ჩამოყალიბებული არ ვართ. ვნახოთ, როგორ წავა შემდეგ. მე ვფიქრობ, რომ ტაქსებს რეგულაცია სჭირდება ბათუმშიც აუცილებლად,“ – ამბობს ბათუმის საკრებულოს თავმჯდომარე.

დაუჭერთ თუ არა მხარს ტაქსების ერთ ფერზე გადაღებვას? – საკრებულოს თავმჯდომარემ გვითხრა, რომ ამაზე არ უფიქრია. „ვერ გეტყვით, არ მიფიქრია. მე მაინც ვფიქრობ, რომ ერთი ფერის ტაქსს მხარს არ დავუჭერ. არც მივა მსჯელობა აქამდე,“ – გვითხრა ბათუმის საკრებულოს თავმჯდომარემ, სულიკო თებიძემ.

ნეტგაზეთის მასალების სხვა გამოცემებში გადაბეჭდვის წესი
ავტორი