Batumelebi | ბათუმის ერთ-ერთ კაფეში ცეცხლი გაჩნდა ბათუმის ერთ-ერთ კაფეში ცეცხლი გაჩნდა – Batumelebi

ბათუმის ერთ-ერთ კაფეში ცეცხლი გაჩნდა

ბათუმში, აბუსერიძისა და აღმაშენებლის ქუჩების კვეთაში, წრიულთან მდებარე კაფეში ხანძარი გაჩნდა. ადგილზე მისულმა მეხანძრეებმა ცეცხლის ჩაქრობა რამდენიმე წუთში მოახერხეს.

ცეცხლი კაფეს სამზარეულოში, სავარაუდოდ, გაზქურას გაუჩნდა. დამწვარია საყოფაცხოვრებო ტექნიკა და ინვენტარი. შემთხვევის ადგილზე მეხანძრეები და პოლიციელები ამ წუთებშიც მუშაობენ.

სწრაფი კვების ობიექტში, რომელიც აბუსერიძის ქუჩაზე, ორსართულიანი სახლის პირველ სართულზეა განთავსებული, ხანძარი დღეს, 27 სექტემბერს, დაახლოებით დილის 9 საათზე გაჩნდა.

ბათუმი, 27.09.2018. ფოტო „ბათუმელები“

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com